Search


[偷聽男人心]

寫這篇文,好難.先唔講南非遠在地球另一端.講起曼...

  • Share this:


[偷聽男人心]

寫這篇文,好難.先唔講南非遠在地球另一端.講起曼德拉,香港人可能只記得大台小花讀佢逝世新聞時,在鏡頭前喊單花邊新聞.

我有一種固執,好想解拆人人口中既偉人,還要挖到去個核心去睇.我好想去到南非,有人親口話畀我知,曼德拉係個咩性格既人,我唔想聽話佢「好偉大」呢啲廢話,我要知道佢真正既性格.

早前南非有個歌劇叫「曼德拉」來港上演,文化中心做,我買飛入場,非常失望.睇完都唔知曼德拉係咩性格.

去南非之前,畀我搵到呢個阿伯,阿伯貼身同曼德拉相處咗一年幾,所謂同屋共住,低褲係咩色都知.約咗佢見一日,聽佢講故仔.

因為畀咗天價來book呢個導覽團,我下定決心睇完擱在書櫃上既曼德拉自傳 Long Walk to Freedom.本書頗厚,但我睇得飛快,評語係,曼德拉既英文非常之好,又有幽默感,好有人性,而且,應該係一個完美主義者,佢文章既結構好有鋪陳,思考周密.

去到南非見到呢個阿伯,佢口中既曼德拉,就補足埋書既論述.曼德拉每朝四點起身做「指上壓」,喂,佢七十歲,仲keep住健身,佢話過,運動係令佢身體同精神上得到發洩既渠道.

另外,阿伯話曼德拉會用間尺量度枱上面既物件,等其他人入來搞佢張枱,佢會知道.呢種人,非常厲害,觀察入微.

但曼德拉對人很敏感,知道自己在政府眼中變咗「重要人物」,並沒有濫用權力,對待一個白人小卒,都體貼入微,自己主動洗碗洗衫執牀,並且邀請大家一齊坐枱食飯.

要知道,白人同黑人,在南非有血海深仇,能夠有這種胸襟,怪不之,之後成個國家既命運,係佢手上,佢可以由內戰搞到變咗和平民主選舉,要明白這個人既性格,至可以明白佢點變咗個奇跡出來.

寫既時候,我睇咗佢本自傳兩三次,由於曼德拉已過身,我唯有讓自己「問米」般,嘗試進入佢既思維,從佢眼中,睇番呢位白人獄卒係一個點既人.我既文友話:「你真係入咗曼德拉個肚入面」.

值得一提係,雨傘之後,太多人對香港民主進程感到洩氣,我經常覺得,多點參考別人的經驗,唔鼓勵自己,都可以開闊自己眼界.

在南非我問咗幾十人,有白人黑人和coloreds,有錢的無錢的,他們批評很多東西,但異口同聲讚曼德拉,尤其是他華麗轉身,出獄後,民主大選後,出任只一屆總統,五年做完就決絕不連任.即使憲法容許總統連任兩屆.

一個領袖,能夠抗爭大半生(早年更要勇武到學整炸彈),然後坐牢數十年,做埋統總,完美下台,被人讚頌一生,不容易.呢種修為,要有智慧,也要慈心,值得學習.

https://news.mingpao.com/…/ar…/20180304/s00005/1520099726122


Tags:

About author
not provided
曾於北美洲留學主修電影和心理學,回港後於大學鑽研影星周潤發在港人心目中形象,之後成為記者遊走於報館和電視台,現於大學教新聞寫作,滿腦子是怪念頭,始終相信文字的魔力。
View all posts